ਤਾਜਾ ਖਬਰਾਂ
ਭਾਰਤ ਸਰਕਾਰ ਨੇ WhatsApp, Telegram, Signal ਵਰਗੀਆਂ ਪ੍ਰਮੁੱਖ ਇੰਸਟੈਂਟ ਮੈਸੇਜਿੰਗ ਐਪਸ ਲਈ ਸਾਈਬਰ ਸੁਰੱਖਿਆ ਨਿਯਮਾਂ ਵਿੱਚ ਵੱਡੇ ਬਦਲਾਅ ਕੀਤੇ ਹਨ। ਨਵੇਂ ਦੂਰਸੰਚਾਰ ਸਾਈਬਰ ਸੁਰੱਖਿਆ ਸੋਧ ਨਿਯਮ, 2025 ਤਹਿਤ ਹੁਣ ਹਰੇਕ ਮੈਸੇਜਿੰਗ ਐਪ ਖਾਤੇ ਨੂੰ ਹਰ ਸਮੇਂ ਇੱਕ ਸਰਗਰਮ ਸਿਮ ਕਾਰਡ ਨਾਲ ਜੋੜ ਕੇ ਰੱਖਣਾ ਜ਼ਰੂਰੀ ਹੋਵੇਗਾ। ਸਰਕਾਰ ਦਾ ਮੰਨਣਾ ਹੈ ਕਿ ਇਹ ਕਦਮ ਔਨਲਾਈਨ ਠੱਗੀ, ਸਪੈਮ ਅਤੇ ਗੁਮਨਾਮ ਗਤੀਵਿਧੀਆਂ ਨੂੰ ਕਾਬੂ ਕਰਨ ਵਿੱਚ ਮਹੱਤਵਪੂਰਨ ਸਾਬਤ ਹੋਵੇਗਾ।
ਨਵੇਂ ਨਿਯਮਾਂ ਅਨੁਸਾਰ, ਐਪ ਕੰਪਨੀਆਂ ਨੂੰ 90 ਦਿਨਾਂ ਦੇ ਅੰਦਰ ਸਿਮ ਬਾਈਡਿੰਗ ਲਾਗੂ ਕਰਨੀ ਪਵੇਗੀ, ਜਿਸਦੇ ਤਹਿਤ ਐਪ ਇਹ ਪੁਸ਼ਟੀ ਕਰੇਗਾ ਕਿ ਉਪਭੋਗਤਾ ਦਾ ਰਜਿਸਟਰਡ ਸਿਮ ਕਾਰਡ ਡਿਵਾਈਸ ਵਿੱਚ ਕਿਰਿਆਸ਼ੀਲ ਹੈ। ਇਸ ਦੇ ਨਾਲ, WhatsApp Web ਅਤੇ ਇਸਨੂੰ ਮਿਲਦੇ-ਜੁਲਦੇ ਵੈੱਬ ਸੰਸਕਰਣਾਂ 'ਤੇ ਉਪਭੋਗਤਾ ਹਰੇਕ 6 ਘੰਟਿਆਂ ਬਾਅਦ ਆਟੋਮੈਟਿਕ ਲੌਗਆਉਟ ਹੋ ਜਾਣਗੇ ਅਤੇ ਦੁਬਾਰਾ ਵਰਤਣ ਲਈ ਨਵਾਂ QR ਕੋਡ ਸਕੈਨ ਕਰਕੇ ਰੀ-ਆਥੈਂਟੀਕੇਸ਼ਨ ਕਰਨਾ ਲਾਜ਼ਮੀ ਹੋਵੇਗਾ। ਅਧਿਕਾਰੀਆਂ ਦੇ ਮੁਤਾਬਕ, ਇਹਨਾਂ ਪ੍ਰਬੰਧਾਂ ਨਾਲ ਅਕਿਰਿਆਸ਼ੀਲ ਜਾਂ ਫੇਕ ਸਿਮ ਕਾਰਡਾਂ ਰਾਹੀਂ ਕੀਤੀ ਜਾਣ ਵਾਲੀ ਜਾਲਸਾਜ਼ੀ ਨੂੰ ਰੋਕਣ ਵਿੱਚ ਵੱਡੀ ਮਦਦ ਮਿਲੇਗੀ।
ਇਸ ਤੋਂ ਇਲਾਵਾ, ਨਵੇਂ ਨਿਰਦੇਸ਼ਾਂ ਮੁਤਾਬਕ WhatsApp ਨੂੰ ਹੁਣ ਇੱਕ Telecom Identifier User Entity (TIUE) ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ, ਜਿਸ ਦਾ ਮਤਲਬ ਹੈ ਕਿ ਇਸਨੂੰ ਟੈਲੀਕਾਮ ਕੰਪਨੀਆਂ ਵਾਂਗ ਸਖ਼ਤ ਸਾਈਬਰ ਸੁਰੱਖਿਆ ਨਿਯਮਾਂ ਦੀ ਪਾਲਣਾ ਕਰਨੀ ਪਵੇਗੀ। COAI ਦਾ ਕਹਿਣਾ ਹੈ ਕਿ ਪਹਿਲਾਂ ਇੱਕ ਵਾਰ ਲਿੰਕਿੰਗ ਤੋਂ ਬਾਅਦ ਐਪ ਦੀ ਸੁਤੰਤਰ ਵਰਤੋਂ ਕਾਰਨ ਬਦਇਰਾਦਾ ਲੋਕ ਸਿਸਟਮ ਦਾ ਗਲਤ ਫਾਇਦਾ ਚੁੱਕ ਸਕਦੇ ਸਨ, ਪਰ ਹੁਣ ਇਹ ਬਹੁਤ ਮੁਸ਼ਕਲ ਹੋ ਜਾਵੇਗਾ। ਸਰਕਾਰ ਨੂੰ ਉਮੀਦ ਹੈ ਕਿ ਇਸ ਨਾਲ ਧੋਖਾਧੜੀ ਵਾਲੇ ਸੰਚਾਰਾਂ ਦੀ ਪਛਾਣ ਤੇ ਉਪਭੋਗਤਾਵਾਂ ਦੀ ਪ੍ਰਾਈਵੇਸੀ ਦੀ ਰੱਖਿਆ ਹੋਰ ਮਜ਼ਬੂਤ ਹੋਵੇਗੀ।
Get all latest content delivered to your email a few times a month.
